Lucknow, 27 April : IPL cricket te, Kolkata Knight Riders, Lucknow Super Giants ke ekta super over thriller te harai dise, juntu match tie hoisey Ekana Cricket Stadium, Lucknow te kali rati. Kolkata Knight Riders set kora 156 run chase korise Lucknow Super Giants 20 over te 155/8 banai thakisey.
Itu pichete super over te Lucknow Super Giants matro 1 run banaina 2 wicket hari dise. Kolkata Knight Riders ke jitibo lagi 6 ball te 2 run darkar thakise. Rinku Singh first ball te boundary mari 4 run loi match ke seal kori dise Kolkata Knight Riders favour te. Rinku Singh ke Player of the Match diya hoisey.
Din laga agey match te, Gujarat Titans, Chennai Super Kings ke 8 wicket pora harai dise MA Chidambaram Stadium te. 159 run target chase korise Gujarat Titans 16.4 over te 162/2 reach korisey, juntu Sai Sudharsan’r 87-run knock pora guided hoisey. Chennai Super Kings taraf pora Noor Ahmad aru Akeal Hosein ek-ek wicket loisey.
Age te batting paise, captain Ruturaj Gaikwad unbeaten 74 run korise Chennai Super Kings ke 158/7 loi jabo parise 20 over te. Tai 60 ball face kori 6 four aru 4 six marise, aru Jamie Overton fast 18 run (6 ball te) add korisey. Gujarat Titans taraf pora Kagiso Rabada 3 wicket loise aru Arshad Khan 2 wicket paisey.
Aji, Delhi Capitals aru Royal Challengers Bengaluru mukhamukhi hobo Arun Jaitley Stadium, Delhi te. Match 7:30 PM te start hobo.
Add Comment