Kohima, 22 October: COVID-19 pandemic andhera samai, Nagaland laga government toh ahibole Hornbill Festival 2020 nemide suru daiyar kori ase aro etu samai alak alak social media platforms te Hornbill nalobole opor te kotha olai ase.
Dos din laga Hornbill Festival te ‘Festival of festivals’ para janae aro etu festival toh hotai sal 1st December para Kohima district pithor laga Naga Heritage Village, Kisama jaga te State Tourism and Art & Culture departments para loise.
Wednesday te Government of Nagaland, Tourism Department para ahibole Hornbill Festival 2020 opor te circular deya toh sob nemide ashrut bonaideya thakise. Bloggers aro netizens toh State te pandemic situation thaki thaka samai Hornbill Festival kelaaf olaise. Note koribole laga toh, “Say No to Hornbill 2020” nemide awas deya othi ase nahoile dangor hoi ase.
Tourism Department para through circular para allied departments ke ahibole Hornbill Festival 2020 nemide Naga Heritage Village, Kisama te sob COVID-19 SOPs aro State guides, Home aro Medical department para deya te manikena daiyar koribole koise. Hoilebe government toh Hornbill Festival 2020 lobole opor te eku official statement nadekena ase.
Olob hapta agae “Destination North East-2020”, jar din virtual event toh Ministry of Development of North Eastern Region (DoNER) para lowa phal para kamiyaab howa thakise. Etu te aro thaki thaka pandemic situation te shaijai kena Hornbill 2020 nemide government laga actual plans te sabole toh kaam laga ase.
Hornbill lag history te first time hobo pari etu sal laga festival program toh virtually lobole nemide nahoile government toh poila nesana Hornbill Festival 2020 toh gara SOPs & guidelines logode lobo na nalobo? Etiya nemide, ami khan rokhikena aro Sabole lakibo.
Add Comment