October 29,2020: Government khan digital education te mondiya samay te survey te koikena janaishe ki komti hoilebi 20 percent nishena rural bacha khan ghor te textbook khan nai.
Etu survey toh Annual State of Education Report (ASER) September te loishe.aro khobor paa hisaab te COVID-19 pandemic nimete desh laga schools khan march moina para bondh thakishe.
Survey te aro bi koikena janaishe ki Andhra Pradesh te komti hoilebi 35 percent nishena bacha khan kitaab ase aro Rajasthan te khali 60 percent nishena bacha khan kitaab ase.
West Bengal, Nagaland aro Assam te khali 98 percent khan textbook khan ase.etu survey te aro bi koikena janaishe ki etu survey laga haafta te komti hoilebi tinta rural bacha khan te ekta logote learning activity khan ekta bi nai.
Aro janaishe ki komti hoilebi tinta bacha te duita logote ekta bi learning materials khan nai nohoile toh activity khan school para diya toh etu haafta te aro khali ten te ekta toh online classes khan loi thakeh.
ASER survey te aro bi paishe ki 5.3% rural bacha khan 6-10 sal bithor te etia tak etu sal school te enrolled kuranai 2018 laga 1.8 percent logote milaile toh.
Add Comment