October 31, 2020. Saturday din te Rescue teams khan para 8 buildings kera te manuh khan ke perari ase. Tangor mati hela te Turkey laga Aegean coast aro north te Greek island Samos te komti hoilebi 26 manuh morishe. 800 manuh oper jokom hoishe. Turkey laga sobse 3 tangor city Izmir te hela ase aro etu oper te Seferihisar aro Samos district te tsunami be ahishe. Mati hela beche aftershocks be thakishe. Saturday pujur te, 8 floor building para Inci Okan ke othaishe aro sai thaka manuh khan para kushi para awaaz thishe. Sati aro ghor manuh khan para building bahar te tai khan laga manuh pasikena thaka roki thakishe, etu oper te ground floor te dentist surgery laga kam kora manuh khan be ase. Tui jun maiki manuh 53 aro 45 umer ke tuita story building kerikena thaka para othaishe. Izmir chaka te komti hoilebi 24 manuh morishe aro puri maiki ek jun paani te dupina morishe, etu khobor toh Turkey’s Disaster aro Emergency Management Presidency, AFAD para janai thishe. Jawan tui jun Samos chaka te wall kera te morishe. Etu Island te 19 manuh khan jokom hoishe, etu pithor te 14 umer ke hawa-jahas para Athens te luijaishe aro Island te 7 jun hospitalized hoishe, koikena health authorities para koishe.Turkish coast Samos te tsunami ahishe, paani para main harbour town Vathi te flood koishe. Authorities para manuh khan logot etu paani osor te jabole mana korishe. Kandilli Institute para koishe ke, mati hela toh 6.9 magnitude te ahishe aro etu Turkey te 2:51 p.m. (1151 GMT) samai Aegean northeast Samos centred thakishe. Mati hela toh eastern Greek islands , Athens aro Bulgaria te janishe. Turkey te Aegean, Marmara aro Istanbul te ahishe. Istanbul laga governor para koishe, city te beya howa eku khobor nai, etu Turkey laga sobse tangor city ase.
Add Comment