Johnson & Johnson:Bacha logot vaccine test koribo

New York: October 31, 2020.  Johnson & Johnson para COVID-19 vaccine experimental testing toh jawan khan umer 12 para 18 khan logot soru koriboli bapana ase koikema company executive para US Centers for Disease Control and Prevention (CDC) logot meeting thaka samai Friday din te janai thishe. “ami khan bacha khan logot parai dak jolti loboli bapana te ase, hoilebi hoshari oper te koribo, etu khobor toh J&J’s Dr. Jerry Sadoff para CDC’s Advisory Committee on Immunization Practices logot virtual meeting thaka samai koishe. Hoshari aro dosura kam oper te company khan para chotu bacha khan logot be loboli bapana te ase koikena, J&J’s Janssen unit te vaccine research scientist Sadoff para khobor toh junaishe. Johnson & Johnson para jaa September moina te Phase III study 60,000-volunteer khan logot vaccine toh jawan manuh khan logot testing kora soru hoikena ase. Etu moina agae te medical manuh ek jun logot serious bemar howa nemite ek paar rokikena thakishe. Jaa haft ate study toh aro soru hoikena ase koishe. Dousra tawai bona compay Pfizer khan toh boila para COVID-19 vaccine testing lowa soru hoishe. Tai khan Germany’s BioNTech logot melikena 12 umer bacha khan logot test loiase.