November 01,2020: Assam police para Naharkatia Dibrugarh district te illegal narcotics thurishe.
Police koikena janaishe khobor paikena Dibrugarh and Naharkatia police khan laga joint team milikena Naharkatia Saturday te search operation loishe.
Etu search operation kura samay te police team khan para ekta LPG cylinder truck thurishe aro etu te komti hoilebi Rs 5 lakhs daam laga heroin thurishe.
Police para aro bi duita drug smugglers ke thurishe etu nimete.reports te kuwa hisaab te police team khan para etu truck ke khedaishe Dibrugarh para etu bi Dibrugarh Superintendent of Police Prateek Thube para hokum diya pichede.
Tai toh etu khobor Dimapur laga source para janishe.Bishi diri kheda pichede Naharkatia Police Station laga police team khan Dibrugarh police laga team logote milikena etu gaari ke thuribole parishe.
Police khan para etu drug bekah manu khan laga haath para komti hoilebi 33 grams nishena heroin thurishe.
Police para etu nimete ekta case register kurishe aro etu gaari chula manu Satyajit Moran aro modot kura manu Prahlad Borah ke thurishe.
Add Comment