Quebec te chaku hamla te 2 jun ke moraishe

Toronto, Canada: November 1, 2020. Quebec City te, ek jun manuh para tui(2) jun ke morai thishe aro 5 jun ke jokom kori thishe. Hamla kora mannuh toh medieval kapra lakaina chaku para marishe, koikena Sunday pujur te Canadian police para khobor toh janaishe. Etu hamla kora toh historic Old Quebec chaka te howa ase koishe. Suspect toh “jawan 20 umer neshina ase” tai logot jaaku aro medieval kapra lakina thakishe”, Quebec City police spokesman Etienne Doyon para press briefing samai koishe. Etu manuh toh kaun ase jenibo parai nai, hoilebi, tai ke 1:00 am samai thurishe aro hospital te loikena jaishe”, tai koishe. Ke nemite hamla korishe, Police para janai deya nai. “tai toh manuh ase hoilebi medieval samai laga kapra lakaishe, tai toh manuh ase aro chaku thuri thakishe. Tai para marishe aro etia eman khobor ase”, koikena Doyon para koishe. 5 jun jokom kowa khan toh besi beya para hoikena ase koishe. Police para city te thaka manuh khan logot ghor pithor te doorja bondh korikena bohiboli janai thishe aro etu samai police para investigation loiase.