WHO Chief Self- isolate te ase

Geneva, Switzerland: November 2, 2020. Sunday din te, World Health Organization laga chief  toh  ek jun Covid-19 positive tested thaka manuh logot lok kora nemite self-quarantining koriase, hoilebi tai logot toh bemari sign nai koishe. “ami, ek jun COVID19 positive tested kora manuh logot lok korishe” koikena Tedros Adhanom Ghebreyesus para koishe. “ami logot eku bemari sign nai hoilebi ahiboli din nemite @WHO protocols hesab te self-quarantine koriase aro ghor para kam koribo” tai para koishe. United Nations health agency para bemari logot larai kora samai, Tedros toh agae line te thakishe. Covid-19 bemari para duniyaa laga manuh 1.2 million neshina moraikena ase aro 46 million oper manuh bemar ase, jaa saal China te bemari ola beche. Tedros para twitter te koishe ke, “ami khan health guidance thakiboli besi important ase”. “etu para COVID19 pheli thaka toh rakibo, virus ke paribo aro health system pachabo”. 55 umer, purana Ethiopian minister of health aro foreign affairs para kowa toh virus ke rokaboli nemite manuh sob para melikena tangor kam koriboli lage. WHO para sob manuh logot bhal para hath tolabo, masks lakabo aro manuh pithor te thur thakibo lage koishe. Authorities khan logot  mon thikena kam koriboli aro bemari cases pesarina quarantine koriboli koishe. Geneva toh WHO laga headquarter ase, Sunday din te notun state of emergency junaishe. Swiss national kam oper te jaikena bars, restaurants aro shops khan sob bondh koriboli koishe. Etu chaka te authorities 500,000 oper manuh khan para kowa toh cases besi otha nemite notun hoshari kam koribo lage. Olop din agae te ek din pithor te 1,000 oper positive test pai thakishe. Etu oper te Geneva laga hospital aro emergency care units te Covid-19 bemari manuh khan besi hoi ase koishe. United States te health situation besi beya jaiase. US President Donald Trump para WHO logot China laga “puppet” koikena ase aro duniyaa laga bemari toh bhal para nasai. United States te 230,586 manuh morikena ase aro Saturday din te 776 notun cases khobor ase, koikena AFP laga tally hesab te official khobor thishe.