November 2, 2020. Turkey western province Izmir te earthquake para manuh mora toh 62 te othishe, koikena Turkey (AFAD) laga Disaster and Emergency Management para janai thishe. Friday din Seferihisar district te 6.6-magnitude earthquake para 940 manuh jokom paikena ase, etu khobor toh AFAD para statement te koishe. Etu oper te 218 manuh khan toh etai be hospital te elaj koria ase. Etu chaka te 8 building kera te recue manuh khan para aro pesari ase koikena Health Minister Fahrettin Koca para koishe. Koca para Twitter account te koishe ke, 104 manuh ke othaikena ase. Izmir laga Mayor Tunc Soyer laga hesab te, desh te building beya kora toh 400 neshina ase. Izmir municipality para tent ghor bonaikena, khana aro manuh khan ke dosura saman lakai thishe. Mayor para aro koishe ke, konuba laundry centers bonaishe aro tents te bohi thaka manuh khan sapa thakibo nemite kam korishe.
Add Comment