November 03,2020:Official statement te koikena janaishe Mizoram’s Covid-19 count toh Tuesday din te 2792 hoishe etu bi 35 nishena manu khan etu te charta bacha khan etu virus positive paishe.
state Information and Public Relations department para khobor diya hisaab te 25 patients khan ke beemar paishe contact tracing luwa samay te aro bachikena thaka 10 patients toh dusra jaka para ahise.
Etu 35 cases te 33 cases toh Aizawl district para ase aro ekta ekta cases toh saitual aro champhai districts para ase.
Aro koikena janaishe ki Charta chotu bacha khan etu te ekta dui sal maiki bacha toh etu nutun beemar paa te thakishe.
State te 444 active cases paise aro komti hoilebi 2347 manu khan etu beemar para bhal hoishe.
Etia tak komti hoilebi 115980 manu khan ke test kurikena ase.etia Aizawl laga lockdown toh Tuesday para naaamabole thaka toh November 9 tak 4:30 am tak uthaidishe.
October 27 para shuru kuriea ekta lockdown toh Aizawl municipal area te halikena ase etu bi misa mishi kaam khan nakuribole thakishe etu bi community transmission laga chain toh phangaidibole nimete.
Mizoram khan etia ‘Covid-19 No Tolerance Fortnight’ state te mani ase kun tu toh November 9 tak chuli thakibo.
Government order Monday rati te diya te koikena janaishe ki manu khan ghussa aro ola toh Aizawl Municipal para mana kurikena ase etu para phasikena thaka manu khan lockdown nohoi akhe te aro state home department aro Local Level Task Force (LLTF) khan para diya toh medical emergency samay te.
Sob educational instituttions,religious jaka outpatients department hospitals laga bondh thakibo.
Order te koikena janaishe ki Sob dukhan khan essential commodities aro pharmacies khan charikena bondh thakibo.
Funerals aro shaadi reception te aha manu khan toh 35 bonaidishe. Mizoram health and family welfare board vice-chairman and ruling Mizo National Front (MNF) legislator ZR Thiamsanga para koikena janaishe ki etu uthi thaka local transmission state etu bi Aizawl municipal area te rukhabole paribo nisea ase lockdown laga akhe haafta phaneh.
Mizoram Monday te ekta bi Covid-19 case olanai aro cases laga number toh 2757 ase etu te 409 toh active ase.
Northeastern states te aro bi ekta manu Covid-19 para murikena ase etia tak. state health department kuwa hisaab te 24 manu khan etu te Mizoram Youth Commission (MYC) chairman and ruling MNF MLA Vanlaltanpuia, kun toh October 23 te covid 19 positive paishe hospitals para Monday din te olaishe.
state nodal officer of the Integrated Disease Surveillance Programme (IDSP), Pachuau Lalmalsawma, para kuwa hisaab te komti hoilebi 9,781 samples khan October 25-31 te test kurishe aro etu te 309 manu khan covid 19 positive paishe.
Add Comment