November 3, 2020. French anti-jihadist force khan para Mali te air para hamla kora te terror group Al-Qaeda khan 50 manuh morishe, koikena Monday din te France government para junai thishe. French Defense Minister Florence Parly para koishe ke, “October 30 darik, Mali te Barkhane force para ke kam korishe, ami toh koboli mon ase, etu samai 50 jihadists mari thishe, arms aro saman besi thurishe. Air para hamla kora toh Burkina Faso aro Niger border osor ase, etu chaka te French government khan Islamic manuh ke hataboli dhuk pai thakishe, Parly koishe. French Defence Minister para tai laga Mali transitional government members logot meeting bechete koishe. Tai aro Bamako te naja agae te Niger President Mahamadou Issoufou aro Nigerien counterpart Issoufou Katambe logot lok korishe. “drone para tinta borders chaka te besi tangor motorcycle convoy jai thaka thura beche, French sepia khan para hamla kora ase”, koikena Parly para kowa AFP para janai thishe. Tai aro koishe ke, etu chaka te 30 motorcycles neshina beya kori thishe. Terrorists char(4) jun ke thurishe koikena Military spokesman Colonel Frederic Barbry para koishe. Barbry aro koishe ke, dosura operation ekta te Islamic State, Greater Sahara te 3,000 sepai khan larai koriboli jaikena ase. Etu operation toh jaa moina te soru hoishe. Operation kora laga khobor toh olop din thaka beche janai thiboli ase koishe.
Add Comment