November 04,2020: Institute of Chartered Accountants of India (ICAI) para Supreme court ke Wednesday te koikena janaishe ki tai khan para ahibole thaka CA exam online kunba candidates khan para kuwa pichede COVID-19 nimete lobole naparibo kile koile toh etu para examinees laga analytical capabilities khan test kureh.etu ICAI para koikena janaishe ki etu 3-hour exam alag alag pattern nimete sob milaikena kuntu te descriptive answers thakibo tick marks nohoikena .
Justices A M Khanwilkar, Dinesh Maheshwari and Sanjiv Khanna laga bench para ICAI ke tai khan laga websites te steps khan lobole thaka olabole koishe students khan laga welfare nimete covid 19 nimete aro etu petition toh charibole nimete etu petition te ekta Standard Operating Procedure (SOP) mangi thakishe ahibole thaka CA exams laga examinees nimete.
Chartered Accountant exams toh November 21 para December 14 tak lobole ase.etu hearing samay te senior advocate Ramji Srinivasan ICAI, nimete aha para koikena janaishe ki tai khan logote ekta bi isolation rooms nai kile koile examination centres nimete aro doctors laga facilities khan nai.
Tai koikena janaishe top court para hokum diya hisab te last hearing te tai khan para sob suggestion khan saishe advocate Bansuri Swaraj petitoners khan ke represent kura para diya hisaab te.
Etu bench para etu pichede swaraj ke koishe ki petitoners khan reasonable thakibole lageh tai khan laga demands te aro khu hi paanai tai khan laga jawab te.
Srinivasan para aro bi koishe transport aro accomodatiion toh petitioner para mangishe hoilebi etu toh kuribole naparibo.
Tai para koishe ICAI para Ministry of Home Affairs ke kobole paribo etu bi hotels book kuribole nimete e-admit cards dibole nimete.
Bench para koishe etu toh state specific issue ase olop akhe te kuntu te suggestion khan kurishe state government khan manishe kuribole nimete.
Aro swaraj ke koikena janaishe kinika online exams kuribole dibo etu bi answers khan descriptive thakishe koile toh.
Petitioner para koishe etu exam hobole nimete ek moina bacha samay te ekta bi steps khan luwanai authorities khan para examinees laga safety nimete.
Tai khan koikena janaishe ki ekta bi safety guidelines khan ICAI para dianai kinika etu examination toh lobo COVID-19 pandemic samay te.
Etu plea te koishe etu examination toh central government laga guidelines te violation ase kuntu para komti hoilebi etu institution 100 para uporte jamaa kuribole nadibo.
Add Comment