England te 4 haft lockdown soru hoishe

November 5, 2020. Covid-19 bemari second wave jai thaka samai, Thursday din England te aro notun 4 hafta nemite lockdown hoishe, etu pithor te manuh khan ghor te thakibo lage aro dukhanm pubs aro gyms bondh thakibo. Etu lockdown fesla lowa toh Wednesday din MPs para 516 aro 39 vote thishe, majority 477 paishe, koikena BBC para khobor janai thishe. England pura te three tiers regional restrictions thaka dosura para botli koribo ase. December 2 darik te, MPs khan para aro next step nemite vote thibo, aro etu samai lockdown kotom nahowa agae te virus logot saboli ase koishe. Notun hokom te, ghor te thaka manuh khan bahar manuh logot meliboli mana ase aro private gardens te be. Dukan, time past aro entertainment chaka pubs aro restaurants toh bondh thakibo, kali loikena jabole thibo. National Police Chiefs Council laga chairman, Martin Hewitt para koishe ke, kaun manuh para neum aro hokom namanibo etu manuh khan tangor sajaa pabo koishe. March moina te first lockdown thaka neshina schools, universities aro nurseries toh kola thakibo aro manuh pithor te bahar te lok paboli paribo hoilebi, chaka neshina park aro beach neshina te lok napabo. House of Commons te kotha kora samai, Prime Minister Boris Johnson para koishe ke, second lockdown toh ami khan sob para mon thakina kora nahoi” hoilebi, British manuh laga jevan oper te risk nalobo”, BBC para koishe. Thursday din te, Chancellor Rishi Sunak para House of Commons te kotha koribo, etu samai tai koishe ke, lockdown thaka samai business aro kam nemite ke economic motob pabo janai thibo koishe. Wednesday din United Kingdom te 492 notun manuh mora khobor paish, etu May 19 darik beche thakishe. Etu samai bemari cases toh 25,177 paishe. Notun tallies oper te, United Kingdom te sob melaikena 1,102,305 bemari cases ase aro 47,832 manuh morikena ase.