November 06,2020: University Grants Commission (UGC) para universities aro college khan khulibole nimete saat moina lockdown huwa pichede guidelines dishe.
Guidelines hisaab te containment zones bahar te education institutions khan wapas khulibo phases te research, masters and final-year undergraduate students khan logote shuru kurikena.
Guidelines hisaab te Hoilebi students khan classes te aha campus diya samay te komti hoilebi 50 percent para uporte nathakibole lageh.
Desh laga Higher education institutions aro schools khan March 16 para bondh thakishe etu bi Covid-19 pandemic nimete.
UGC para aro bi koikena janaishe ki institutions khan teaching hours khan uthaishe aro ekta six-day schedule student khan ke lobole nimete batches te aro social distancing thakibole nimete kotha kurishe.
Masks lagabole lageh sob teachers aro staff khan campu s te. Students khan laga attendance toh voluntary thakibo.Universities khan ke students khan nimete online classes lobole nimete kun pudi bole mun ase.
Residential campuses ke hostels khan chulabole dibo judi lagishe koile toh hoilebi rooms share kura toh mana kurishe.
Guidelines te aro bi koikena janaishe “Isolation facilities symptomatic manu nimete aro quarantine facilities kun khan positive manu khan logote contact thakishe campus te thakibole nimete nohoile toh akhe para hi milibole lageh kunba government hospital nohoile toh approved premises te nohoile toh local authorities khan para kuwa te etu para judi lagishe koile toh action lobole lageh.safety food health water laga thik para thakibole lageh quarantine aro isolation facilities te thaka khan nimete.”
Add Comment