Storm Eta:Guatemala mati kerai te 50 jun morishe

November 6, 2020. Guatemala chaka te Storm Eta para paani aro besi tangor hawa marai te komti hoilebi 50 manuh landslides te morishe aro etu Central American desh te thakishe. Guatemalan President Alejandro Giammattei para koishe ke, manuh mora pithor te atha toh ekta town para ase aro etu chaka te mati kerikena 20 ghor neshina mati pithor  te jaishe. Tuesday din, Eta aha toh osor Nicaragua te ahiashe, etu beche hawa te jaishe. Thursday din Mr Giammattei para koishe ke, moina oper hawa paani ahishe koikena press conference te janai thishe. Paani besi kera nemite kam kora manuh khan chaka te jabole parai nai. Etu oper te San Cristobal Verapaz town te be khobor beya paishe. “etai ami khan teng para chaka te jabole kori ase, opai nathaka nemite, koikena Mr Giammattei para koishe. Eta toh boila Nicaragua te ahishe aro hawa toh 140mph (225km/h) te paani loikena ahishe. Etu beche osor chaka Honduras aro Guatemala te jaishe. Central American chaka te, Eta para 70 oper manuh ke morai thishe, koikena Reuters news agency para khobor janai thishe. Nicaragua te hajar manuh khan ke dosura chaka te othaikena jaishe. Desh laga north chaka te, tui(2) jun manuh mine te kam kori thaka samai mati kerikena dupaishe. Honduras chaka laga San Pedro Sula city te, 13 umer maiki ek jun ghor te homai thaka samai wall kerina morai thishe. Thursday din, Government para koishe ke, 500 Hondurans manuh khan ghor laga tina para othaishe, etu samai paani laga levels besi oper te hoishe thakishe, aro besi manuh khan pasikena ase, etu khobor toh Reuters para koishe. Notun khobor ekta te US National Hurricane Center para kowa toh Eta para tangor paani aniase aro jaan nemite be katra hoikena floods toh Central America oper te jaiase koishe.