US: 24 gonda te 1,20,000 cases paishe

Washington, United States: November 6, 2020. United States te 24 gonda pithor te 120,000 coronavirus cases paishe, jaa kali laga record logot besi hoishe, koikena John Hoplins University para janai thishe. Wednesday din 8:30 pm aro Thursday (0130 GMT) samai, desh te 123,085 notun bemari cases paishe aro 1,226 manuh morikena ase, etu khobor toh Baltimore-based school laga tally hesab para koishe. Wednesday din te 99,660 notun virus cases paishe. Etu samai manuh mora toh spring moina logot komti hoishe. Thursday din toh 3 din wala ase ke manuh mora toh 1,000 oper thakishe. United States te Covid-19 para sobse besi manuh mora toh September moina thakishe. United States te bemari soru howa beche 9.6 million manuh bemar hoikena ase aro 234,00 morishe. Notun record kowa toh US President Donald Trump, October moina te virus bemari para pachishe, aro etai tai political jevan nemite larai koriase. Tai laga Democratic election dusman Joe Biden para Trump logot bemari saa neum te botnam korishe, Aro koishe ke, scientific khan para bemari saa toh manibole koishe. October moina para desh te coronavirus cases toh besi othiase, Election laga agae din te voters khan para ballot aro mail para 100 million votes thishe aro etu election agae din te sobse besi vote deya asem keli koile Americans manuh besi para jama kora chaka te vote thiboli mana kora nemite. Election laga final khobor toh mail aro ballots besi kowa nemite thiri hoiase. Trump para etu khota toh mesa ase koikena botnam korishe. Konuba desh te Health officials khan para warnings thishe ke, hospital te thaka aro winter flu seasons te besi othibo. Etu bemari para US economy besi beya kori thishe aro million manuh kam para olai jaishe.