November 08,2020: Manipur’s Bishnupur district te security forces logote ladai kurikena duita NSCN (IM) sepai ke sophisticated weapons logote thurishe.
The Hindu para report te koikena janaishe ki Etu thura NSCN (IM) cadres laga naam toh Jaolen Chiru, 26, aro Janthayai Longmei, 41 ase.
Etu encounter toh Saturday din laimaton Old cachar road etia by pass road nishena chula te hoishe.
National Highways 2 toh bondh thakishe kile koile toh Irang river te thaka bridge toh gira pichede olop din akhe te aro Imphal Dimapur highway toh landslides para bondh hoijaishe.
Police koikena janaishe khobor paishe ki kunba armed manu khan illegal taxes gaari para old chachar road ter berai ase koikena Bishnupur police ekta team toh etu jaka te jaishe.
Commandos khan para osorte hudah hudeh kura samay te kunba manu khan tai khan uporte guli mari thakishe.
Aro jawab te additional police commandos aro personnel 29 Assam Rifles para etu jaka te jaishe.tai khan fire khan kuri thakishe, aro janishe ki etu hamlaa kura manu khan polaishe koikena janaishe.
Firing khotom huwa pichede etu team khan areas te jaishe aro etu duita sepai ke paishe.etu area para AK-47 rifle, a magazine, a China-made hand grenade, one 9 mm pistol aro assorted live ammunition khan paishe .
Etu te kunba incriminating document khan etu sepai khan NSCN (IM) laga ase koikena bi paishe.
Etu team khan para aro bi Rs 15,250 cash paishe. Chan bin kura samay te etu dui jun opara koishe ki tai khan NSCN (IM) laga members ar aro tai khan illegal taxes khan loi thakishe gaari para.
Police khan para tai khan para chula van gaari thurishe.dusra tinta NSCN (IM) sepai khan toh polabole parishe.
Add Comment