Putin:US official khobor roki ase

Moscow: November 9, 2020. Russian President Vladimir Putin para US presidential election te kamyaab kora manuh khan logot dhanyabad thiboli official khobor roki ase, koikena Monday din Kremkin khobor para janai thishe.“ami khan fesla lowa official khobor roki ase. Ami para janai thiboli mon thaka toh  President Putin para koiase ke, American people para junai toh saman thibo,” Kremlin spokesman Dmitry Peskov para reporters khan logot koishe. Duniyaa laga leaders besi para Notun President Joe Biden logot dhanyabad thishe. Donald Trump para 2016 saal te Hillary Clinton oper te presidential election jeta samai Putin para 1 gonda neshina dhanyabad thishe. Peskov para koishe ke, etu paar election toh besi alag ase keli koile, Trump harai nemite legal challenges thishe aro tai laga vote toh othibo mon ase.“etu pithor te besi alag ase…legal challenge kora nemite eku jawab nai, “Peskov koishe. Tai aro koishe ke, Moscow toh kaun para US vote jetilebi, kam koriboli tayaar te ase. “ami khan besas ase ke, United States laga next President logot aro kotha koribo ke tuita desh pithor te melikena thaka laga rasta toh aro bhal hoboli nemite,” tai janai thishe. 2016 te Russia para Trump logot election te olai thibo nemite motob kora para botnam korishe. Biden para etu kotha te besi kara te othibo, keli koile campaign kora samai Biden para Trump toh duniyaa laga autocrats khan besi logot melikena thaka nemite botnam korishe, aro etu nam toh Vladimir Putin para loikena soru korishe.