Duniyaa te Coronavirus cases 50 Million hoishe

November 9, 2020. Sunday din te duniyaa laga coronavirus bemari cases toh 50 million oper hoishe koikena Reuters hesab te janai thishe. 30 din pithor te second wave jaiase koishe. Etai dak te bemari toh October moina sobse beya thakishe. United States toh first desh ase ek din pithor te 100,000 cases paiase. Jaa 7 din pithor te duniyaa te hotai din laga bemari cases toh 540,000 oper othiase koishe. Jaa saal China te etu bemar ola beche 1.25 million manuh morikena ase. Bemari toh besi othiase ke, 32 din pithor te bemari cases toh 30 million para 40 million othishe. Aro 10 million pongchiboli 21 din he loishe. Europe te 12 million cases hoikena ase, Latin America ke oper jaishe. Europe te COVID-19 para manuh mora toh 24% hoikena ase. Etu chaka te hotai 3 din pithor te notun cases toh 1 million oper jaiase, koikena Reuters para janaishe. Aro etu duniyaa te 51% ase koishe. France te 7 din laga average te ek din te 54,440 cases paishe. India logot besi wala ase. Duniyaa laga second wave toh Europe te healthcare systems logot testing koriase, etu nemite Germany, France aro Britain  laga manuh khan nejor desh te jabole olai ase. Denmark te notun lockdown othaishe, etu chaka te 17 million minks logot bemar thaka toh manuh logot othiase koishe. Asia pithor te, India laga bemari cases toh duniyaa te second hoikena ase. Friday din dak te sob melaikena 8.5 million cases hoishe aro hotai din laga average toh 46,200, ase koikena Reuters laga data hesab te janai thishe.