South Korea para 3,000-tonne submarine bonaishe

November 10, 2020. Tuesday din Navy para koishe ke, South Korea nejor para bona 3,000-tonne submarine bona kotom hoishe. Etu submarine toh larai kora samai jobo aro etu para paani pithor te saman thuriboli pareh koishe. Mid-class diesel-powered submarine Okpo Shipyard of Daewoo Shipbuilding aro Marine Engineering Co. in Geoje city te ceremony toh bechete loboli ase koishe, etu laga khobor toh Yonhap News Agency para janai thishe. 3,000-tonne-class submarines pithor etu tuita(2) wala ase South Korea para 2023 saal te tai khan nejor laga technologies te bonaboli bapana thakishe. Etu project toh 2007 saal te 3.09 trillion paikena thakishe. First submarine toh Dosan Ahn Chang-ho thakishe, 2018 saal te bonaishe aro etu saal kotom howa samai jola soru koriboli koishe. Etai laga submarine toh 83.3-metre- lamba ase aro 9.6-metre-tangor aro etu para 50 jun manuh puhibo pareh aro paani pithor te 20 din thakiboli laga ase, koikena Defence Acquisition Program Administration (DAPA) laga officials khan para janaishe. Etu oper te 6 submarine-based ballistic missiles toh gooli jolaboli pareh. Etu submarine toh test sob kora beche 2022 saal te Navy khan logot thibo koishe. Etai dak te South Korea military hath te nouta(9) 9 1,200-ton aro nouta(9) 1,800-ton submarines ase koikena Yonhap News Agency para junai thishe.