November 10, 2020. Azerbaijan para Armenia border osor te Russian Mi-24 military helicopter kolti te marikena kerai thishe, etu samai Russian tui(2) jun manuh morishe. Monday din howa ase aro etu Russian kelaaf te kora nahoikena kolti para ase, koikena Azerbaijani Foreign Ministry para statement te janaishe.Aro koishe ke, Baku para compensation thiboli tayaar te ase, Xinhua news agency para koishe. Etu din te, Russian Defence Ministry para koishe ke, Mi-24 helicopter toh larai kora chaka bahar te thaka toh man-portable air defence system para marikena kerai thishe. Armenia chaka te 102nd Russian military base ke convoy deya samai thakishe, aro Chopper toh control harai beche Armenia chaka laga bahar te crashed hoishe. Tinta manuh wala toh air para otaikena loi jaishe, hoilebi jokom besi paishe. Azerbaijani Foreign Ministry para koishe ke, etu larai toh anthira besi neje altitude aro air defence radar detection zone bahar te thaka nemite, etu oper te Russian helicopters boila ketai be etu chaka te thika nai koishe. Ministry para aro koishe ke, duty te thaka sepai khan para gooli jola soru korishe, keli koile Azerbaijan-Armenia border te Nagorno-Karabakh chaka nemite tuita desh pithor te laria kori ase.
Add Comment