November 10, 2020. Singapore researchers aro US pharmaceutical company Arcturus Therapeutics Holdings Inc, para melaikena bona COVID-19 vaccine aha saal soru pheli Singapore manuh khan paijabo koikena Tuesday din media khobor para junai thishe. Singapore’s Economic Development Board (EDB) para vaccine bonai thaka samai USD45 million neshina thiase khobor toh Straits Times para koishe. EDB para vaccine toh kotha koikena USD 175 million dak para keniboli paribo koishe.Vaccine toh aha saal 2021 soru samai paikabo koikena American pharmaceutical company Arcturus Therapeutics para koishe. Tai toh vaccine nemite Duke-National University of Singapore (NUS) laga scientist ase aro etu chaka te kam koriase koishe. Duke-NUS Medical School’s Professor Ooi Eng Eong para Arcturus logot melikena vaccine olaishe aro koishe ke, etai dak te vaccine ek paar lowa te khobor toh besi bhal thikai ase.
“dosura bonai thaka COVID-19 vaccine logot etai laga vaccine logot besi alag ase”. Prof Ooi para koishe, tai toh Arcturus Vaccine Platform Scientific Advisory Board laga member ase koishe. “etu vaccine para tangor public health laab nemite be motob thiase aro etu oper te duniyaa pura te broad administration khan logot be besi motob korikena ase”, Prof Ooi para janai thishe. Etu samai Singapore te Tuesday din dak te nouta(9) notun COVID-19 cases paishe, etu melaikena desh te bemari cases toh 58,073 hoikena ase, koikena PTI GS NSA para janaishe.
Add Comment