Agencies, 18 November: Duniya te potential vaccine candidates toh coronavirus kelaaf te hosha hobole race te ase. Aji kali he Pfizer aro Modern para tai khan laga experimental coronavirus vaccines laga clinical trials results janideya thakise. Etu tuita candidates para dawai 90 percent opor phal howa khobor korise. Aro etu samai, Russia’s Sputnik V vaccine laga first batch toh ahibole hapta Kanpur’s Ganesh Shankar Vidyarthi Medical College te ponjibole bhabona kori ase aro tati Phase 2 aro Phase 3 human clinical trials lowa thakibo. Etu trails lobole laga fesla toh Dr Reddy Laboratories ke Drugs Controller General of India (DCGI) para approval powa bechide ase.
India nemide etiya kondu potential vaccine phal ase? RDIF CEO Kirill Dmitriev hisaab te, Sputnik-V coronavirus vaccine toh tusara para safer ase. Tai para etu toh duniya te published preliminary clinical trial results para support/backed kora tinta vaccines laga ekta ase koise. Etu par Russian President Vladimir Putin para coronavirus dawai bonabo nemide BRICS desh para melikena kosish koribole matishe. Tai para Sputnik-V vaccine toh India ao China te bonabo pari koikena suggest korise. India aro China toh five-natio bloc (BRICS) laga members ase.
Dmitriev koise, vaccine te 92 percent phal howa dekhaishe. “Number toh ektum simply para hisaab/kindi korise- 75 percent clinical trial participants para vaccine receive korise hoilebe khali 20 infected laga jarta ke he Sputnik-V administered korise aro bachi thaka 16 toh placebo te thakise”.
Tai para be RDIF para poll low ate India laga 60 percent manu khan para Russia laga vaccine te jana janishe koise.
Tusara side te, Moderna aro Pfizer laga clinical trial results be ektum phal howa dekhaishe. Reports te koise, Moderna laga study toh horu te thakise hoilebe statistical conclusion olabole kafi thakise. Hoilebe researchers toh etiya be immune response te keman lamba thaki janibo lakibo.
Tusara factor toh India te Moderna aro Pfizer laga daam te ase. Etu tuita toh tusara para be besi daam hobole bhabona ase.
Reports koise, AstraZeneca aro University of Oxford laga coronavirus vaccine toh India te 2021 laga first quarter te first available bona thakibo pari. Hoilebe desh ke extra cold storage facilities toh coronavirus vaccine laga distribution nemide lakibo. Aro Pfizer para bona anti-coronavirus vaccine candidate nemide cold-chain lakiya toh minus 70 degrees Celsius laga temperature nemide ase aro etu toh ekta dangor challenge ase. Government para be India para sob dawai toh lobole paribo na naparibo shai ase koise.
Add Comment