Afghanistan de hamla pora 12-jun moraidese

Kabul, 26 September: United Nations pora kowah toh, hawah pora hamla kora karni 12 Afghan family moraidese koise. Etu hamla kora khan ke kelaf kori kena US aro Afghan forces toh besari ase koise.  Tuesday de deri hoi kena UN Assistance Missionpora janaideya toh, Sunday rati Wardak province laga bosti de hawah pora hamla howah karni khor beya koridese koise. Etu time de 10-ta becha aro tuita maike moraidese koise. Ahmad Jahfari pora AFP logode etu hamla kora toh Taliban fighters logode target kora ase koise. Abdullah pora AFP logode kowah toh, etu hamla pora tai laga tuita bhuni moraidese koise. Tai pora aro tusara tinta khor be beya koridese koise. Tai pora kowah toh, tai laga khor pora 100 metres (330 feet) dur Taliban prison beya koridebo karni hamla howah ase koise. Ghafor Ahmad Jawed pora AFP logode kowah toh, Afghanistan’s defence ministry pora hatsa hatsa howah de investigate kori ase koise.