US aro Mexico pora notun NAFTA sign koribole daiyar

New York, 26 September: Tuesday de US Trade Representative Robert Lighthizer pora kowah toh, Canada na-thaki kena United States aro Mexico pora notun version North American Free Trade Agreement sign koribole ase.  Jowah moina Washington and Mexico City pora motum trade pact laga agreement janaideya thakise. Hoilebe Canada logode kotha kora toh fail hoi kena ase. Mexico’s laga notun president office de na-haa agae de, President Donald Trump pora congress logode janaideya toh, Canada thaki-kena nahoile na-thaki kena hoilebe notun deal sign koribole ase koi-kena janaideya thakise.  Hoilebe Ottawa toh Washingtons pora September 30 deadline kori kena thaga na-mani kena ase. Etu laga deal de manise koile 25-sal business deal toh aro phal hoijabole ase. Tuesday moorning de Canada’s Prime Minister Justin Trudeau pora tai khan mana de agae loijabole chance ase koise. Hoilebe tai opor de ase thek wala deal koribo karni. Lighthizer pora kowah de The Washington Post pora janaideya toh, hapta de deal dinalise koribo karni time ektum katha hoise koise. Tai kowah toh, Ottawa pora thek koribole para nai koile Trump administration pora Mexico logode de-he deal manibole ase koise.