Agencies, 23 November: Former Assam Chief Minister Tarun Gogoi toh 86 sal te morishe. Congress leader toh post-COVID complications nemide Gauhati Medical College Hospital te treatment loi thaka ase aro tai toh 23rd Nov, 2020 laga 5:35 pm te morishe. Etu khobor toh Assam minister Himanta Biswa Sharma para reporters ke janaideya laga ase.
Gogoi ke toh multi- organ failure bechide ventilation te rakha thakise.
Tin par chief minister toh November 2 direk GMCH te admit howa thakise. Tai ke Saturday rati condition ektum beya howa nemide invasive ventilation te rakha thakise.
Otober 25 direk tui moina bechite, Gogoi toh GMCH para discharge howa thakise. Tati tati COVID-19 aro tusara post-recovery complications nemide treatment loi thaka ase.
August 25 direk tai ke COVID-19 nemide positive test ola thakise aro next din tai GMCH te admit howa thakise.
Veteran Congress leader, Gogoi mora nemide Prime Minister Narendra Modi para tweet te mondukh janaishe. PM koise, “Shri Tarun Gogoi Ji toh ekta popular leader aro ekta veteran administrator thakise. Gogoi toh Assam aro Centre te besi sal laga political experience thakise. Etu mondukh samai ami laga bhabona toh tai laga family aro supporters logode ase. Om Shanti’.
Gogoi toh 2001 para Titabor assembly constituency te represent thakise. Tai be six par parliamentariam thakise aro tui par Union minister nemide kaam kora thakise.
Gogoi toh October 11, 1934 te jonom powa laga ase aro tai tai Assam laga chief minister nemide lamba samai serve kora manu ase. Tai chair te fifteen kamiyaab sal 2001 para 2016 tak thakise.
Add Comment