Islamabad: November 26, 2020. Pakistan laga leading opposition politician Bilawal Bhutto Zardari para koishe ke, tai ke coronavirus positive tested paishe. Tai toh 32 umer aro Pakistan Peoples Party (PPP) laga chief ase aro tai toh purana tuita(2) term thaka Prime Minister Benazir Bhutto laga chokra ase koishe. Bilawal logot virus thura beche tai etai isolation te ase. “ami ke COVID-19 positive tested paishe aro self-isolating te ase. Ami ghor para kam koribo aro PPP foundation din toh via video link para kotha koribo. Manuh sob mask lakabi, olop beche thakibo (Insha Allah),” koikena Mr Bilawal para janaishe. Wednesday din te, tai laga political secretary Jamil Soomro logot COVID-19 positive tested thura beche tai political kam para thur thakishe.
November 22 darik Peshawar te, PPP chairman para tangor ekta Pakistan Democratic Movement (PDM) rally te thakishe, etu rally toh Pakistan laga notun 11 Opposition parties khan melikena thaka ase. COVID-19 cases besi otha nemite city administration khan para ban thaka samai rally kora ase koishe. Etu samai, Thursday din Pakistan te coronavirus cases toh 3,86,198 hoikena thakishe aro 24 gonda pithor te 3,306 notun cases paishe. Etu rati virus bemari para 40 manuh morishe etu nemite sob melikena desh te 7,843 manuh morikena ase koikena health ministry para janai thishe. COVID-19 bemari para manuh khan bhal hoikena thaka toh 3,96,198 hoishe. Etu samai aro desh te 43,963 bemari cases ase koishe.
Add Comment