November 27, 2020. Officials khan para 21 manuh ke fake “Covid-free certificates” loikena Kenya para United Arab Emirates jabole samai thurishe koishe. Konuba manuh khan para certificates chor kora thura bechete UAE para Kenyans manuh ke visa issue koriboli ban korishe. Suspects khan ke Friday din court te loikena ahibo ase, koikena local media para janaishe. Kenya te coronavirus cases toh besi othiase koishe.Thursday din public gatherings nemite restrictions kara korishe. Etu hafta agae te, UAE para 13 desh logot visa thiboli mana korishe aro etu oper te Kenya, Somalia, Libya, Tunisia aro Algeria desh khan be ase. 21 jun para Dubai jabole kori thaka samai te Kenyan capital Nairobi main airport te thurishe. Tai khan hath te coronavirus negative test kora laga fake medical documents thakishe. Aro dosura flight ekta te, Nairobi para Dubai jabole laga te 100 Kenyans khan laga hath te etu documents neshina toh pasishe aro beche tai khan logot airport te positive paishe, koikena Kenyan website Nairobi news te janaishe. Kenaya te 80,102 coronavirsu cases ase aro 1,427 manuh morikena ase. Thursday din te aro 780 notun cases paishe, khobor toh Kenyan health ministry para koishe. Thursday din notun restrictions te public gatherings mana korishe. Weddings te guests khan toh 50 te lamaishe aro manuh mora jaga te funeral samai 100 para besi nathakibo. Etu samai, church laga service toh be limited korikena 90 minutes oper naloboli koishe.
Add Comment