13 Australian sepia ke hatabo pareh

Sydney: November 27, 2020. Australia para koishe, 13 special forces soldiers ke kam para hatabo parai koishe. Afghanistan te etu sepia khan para andaz para manuh ke moraishe koikena Friday din desh laga army para koishe. Jaa hafta, independent khobor ekta te koishe ke, 39 Afghan prisoners aro civilians khan ke 19 Australian sepia khan para morai thishe koishe. etu khobor te 19 sepai kaun ke be jena nai. State judge para inspector-general of defence ke junai para lekishe. 19 sepai aro purana sepia khan trail nemite matibo koishe. Pressure thaka oper te, head of the Australian army, Lieutenant General Rick Burr para koishe, etai thaka 13 sepai khan ke kam para hatabo nemite notice thishe koishe. Burr para 13 jun sepia khan laga nam toh kowa nai hoilebi, tai khan toh 19 manuh pithor te samil nai. Tai aro koishe ke, 13 sepai khan ke notice ke jawab thiboli nemite 2 hafta samai thishe koishe.  “etai samai, 13 sepia logot Afghanistan inquiry kotha oper te administrative action notices thikena ase,” Burr para reporters ke Canberra te koishe. Australia laga sobse senior military official para report toh release howa beche jaa hafta te Afghanistan logot maaf mangkishe. Afghanistan te 2005 para 2016 saal dak te special forces personnel khan para report bona te koishe ke, senior commandos khan para junior soldiers khan logot mariboli hokom deya hoboli pari koishe. Inquiry kora samai, 20,000 oper documents aro 25,000 neshina noksa aro 423 manuh khan ke interviewed thakishe koishe. 2001 para Afghanistan te Taliban aro Islamists khan power te aha beche Australia para U.S sepia logot melikena larai koriboli putaikena ase.