Germany te Coronavirus cases 1 Million hoishe

Berlin: November 27, 2020. Germany te COVID-19 bemari cases toh 1 million oper hoishe. Ek din pithor te manuh mora toh 426 thakishe, koikena Friday din te Institute (RKI) for infectious diseases, Robert Koch para janai thishe. Etu khobor hesab te Germany para notun bemar naolabo nemite besi bhal te kam korishe. Chancellor Angela Merkel para koishe, hoshari kori thaka toh narokibo aro hospitals te risk thaka toh hatabo. Germany te sob melaikena coronavirus cases toh 22,806 para 1,006,394 te othikena ase koikena RKI para janaishe. Eke hafta agae te notun bemari case toh 842 paikena thakishe. Bemari para manuh mora toh 426 para 15,586 te othishe, tally para thikaishe. Hafta agae te 260 manuh morikena thakishe aro November 2 darik te 49 jun morishe, etu din para “lockdown lite” soruh hoishe. Bars, restaurants, theatres aro fitness studios khan toh etai be bondh korikena ase hoilebi, schools aro dukhan toh December 1 darik para aro kulibo. Manuh khan jama kori thaka 10 jun para 5 jun te lamishe. Christmas samai, 16 federal states te number toh aro 10 te jabo aro bacha khan 14 umer pithor toh count nakoribo. Familes khan ke visit koriboli ek hafta thaka samai social contact nathakiboli koishe. Capital Berlin toh Germany te sobse bemar toh beya jaiase etu nemite Christmas samai restriction toh nahatabo koishe. Germany khan para coronavirus bemari nemite tangor hosari kam korikena January te jabo, koikena Thursday din Merkel para koishe, etu samai tai laga chief of staff para restrictions toh aha saal March moina dak lakibo koishe.