Sputnik V aro AstraZeneca vaccine melaikena bonaboli koishe

Moscow: November 27, 2020. Russian Gamaleya research institute para UK pharmaceutical company AstraZeneca logot koishe ke, COVID-19 vaccine bhal hobo nemite Russian laga COVID-19 vaccine Sputnik V toh melaboli koishe. Monday din AstraZeneca para tai khan candidate laga result thika te tuita(2) alag levels te tawai lowa oper te thakishe. Bemari manuh ke tuita full tawai lowa beche 62 per cent paishe. Dosura manuh kaun khan atha tawai lowa beche full lowa khan ke 90 per cent paishe. UK company para aro dosura trials loboli kori ase koishe. “etai samai te AstraZeneca laga full tawai low ate 62% bhal khobor ase. Judi tai khan aro notun clinical trial jaile, ami khan laga AstraZeneca aro #SputnikV melaikena lobo koishe. Tuita vaccine toh melaile toh aro bhal vaccine olabo,” koikena Gamaleya research institute para Twitter te lekishe. Etu saal August moina te Russia para COVID-19 vaccine register hoboli duniyaa te first hoishe, aro etu vaccnine toh Gamaleya research institute para bona ase. Tai khan etu vaccine toh 90% safe ase koikena janaishe.