US para $5 million inaam junaishe

Washington: November 28, 2020.    26/11 Mumbai hamla korikena 12 saal hoishe, United States para koishe, kaun khan para Lashkar-e-Tayyiba member  Sajid Mir ke thuribo nemite khobor janaishe koile USD 5 million reward thiboli junaishe. Tai toh Mumbai te 2008 saal hamla te tangor kam korikena ase. US Rewards for Justice program laga official statement hesab te Pakistan-based foreign terrorist organization Lashkar-e-Tayyiba (LeT) ke Mumbai, India te November 2008 terrorist hamla kora te shamil ase aro tai ke wanted ase koishe. Etu justice program para kowa toh kaun para Sajid Mir ke thuiribo nemite  khobor thibo, etu manuh khan logot USD 5 million eman thakibo”. November 26, 2008 saal te Pakistan-based terrorist organisation LeT para 10 terrorists ke training thikena Mumbai te jaga neshina- Taj Mahal Hotel, the Oberoi Hotel, the Leopold Cafe, the Nariman (Chabad) House, aro Chhatrapati Shivaji Terminus te melikena hamla kora te 166 manuh ke morai thishe. Etu hamla kora te 9 terrorists khan be morishe aro kali ek jun pachai Ajmal Amir Kasab te thurikena saaja toh moraishe. November 11, 2012 saal te, Kasab ke Pune te Yerwada Central Jail para hang kori thishe. “Sajid Mir toh, Mumbai hamla te  LeT’s operations manager thakishe aro tai laga bapana te kam sob toh korishe. Mir ke April 21, 2011 saal te United States District Court, Northern District of Illinois, Eastern Division (Chicago, Illinois) para botnam thishe  aro tai para foreign government laga saman beya koriboli, terrorists ke saman para motob deya te kam te,  US manuh ek jun ke morai deya nemite aro public jaga te bomb blast kora te charged korishe. Department of the Treasury para koishe, August 30, 2012 saal te Mir toh LeT pithor te leadership loikena thakishe. 2005 saal hesab te US Department of Treasury koishe, Mir para bahar te manuh ke thalikena training thishe aro money chor kora te be shamil ase. US Department of State para December 2001 saal te LeT toh foreign terrorist organization ase koikena junai thishe, etu khobor toh  department para koishe.