10 Covid Vaccines 2021 te olabo neshina ase

Geneva: November 28, 2020. Aha saal 2021 pithor te judi manishe koile 10 COVID-19 vaccines paijabo, hoilebi vaccines bona manuh khan toh hoshari thakiboli lage koikena Friday din te global pharmaceutical industry group para junai thishe. Pfizer aro BioNtech aro etu oper te Moderna aro AstraZeneca laga vaccines toh tangor clinical trials samai besi bhal result thakishe, koikena International Federation of Pharmaceutical Manufacturers aro Associations (IFPMA) laga director-general, Thomas Cueni paara koishe. “etia dak te 3 ase aro etu 3 be besi bhal ase. Aro ami bapana te Johnson & Johnson khan logot be etu eke khobor toh hoboli besas ase. Etu oper te bhal khobor toh Novavax, Sanofi Pasteur, GSK aro dosura besi khan logot vaccine bhal olaboli besi te ase”, Merk para aro koishe. ‘Big Pharma’ aro biotech firms para poisa besi belaikena bemari samai vaccine bonaboli kam koriase koikena Cueni para Geneva news briefing samai janai thishe. World Trade Organization (WTO) thaka samai, India aro South Africa para kotha ekta kowa toh tai khan para temporary waiver logot vaccine olabo nemite license maniboli koishe. Hoilebi, United States, European Union aro Switzerland khan para etu kotha toh hataishe, koikena trade officials para koishe. Vaccine bona-manuh manuh khan para vaccine bona samai  50 quality kotha toh lage aro staff para check koriboli lage, keli koile company khan para bemari samai toh beya nakoribo nemite. Cueni para koishe, IFPMA laga record hesab te vaccine nemite compulsory license thiya nai aro technology laga dhuk toj janiboli koishe. Company sob para “laap nemite nahoi” kam nakoribo aro bemari samai dham toh saboli ase, tai para aro janaishe.