WHO: Cases komti howa desh ke hosari koise

November 28, 2020. Desh kaun khan Covid-19 bemari cases komti hoi ase, etu desh khan ke “hoshari’ thakiboli sobse tangor World Health Organization (WHO) official para junai thishe. “bemari cases komti hoi thakilebi, desh sob hoshari koriboli lage. Agae te honishe pareh hoilebi, etu oper te aro kam koribo lage. Tumi khan laga guard toh nejite jabo nathibe, din “WHO’s Health Emergencies Program laga lead technical, Maria Van Kerkhove para Friday din virtual briefing samai kowa Xinhua news agency para janaishe. “kam kora oper te saboli kushi ase etu nemite bemari cases komti hoi ase, hoilebi etai samai toh jariboli nahoikena saboli kam ase. Ami khan para etai laga halat jai thaka lockdown kowa toh saboli mon nai aro virus control koribo nemite desh toh lockdown te rakiboli mon nai” koikena Van Kerkhove para aro koishe. Duniyaa sob laga coronavirus cases toh 61.5 million hoishe, etu oper te manuh moraikena thaka toh .44 million hoishe, etu khobor toh Johns Hopkins University hesab te janaishe. Saturday din laga notun update te, University’s Center for Systems Science and Engineering (CSSE) para koishe, etai duniyaa pura te bemari cases toh  61,585,651 ase aro 1,441,875, manuh morikena ase. United States te bemari aro manuh mora te sobse oper hoikena ase, bemari cases toh 13,086,367 ase aro 264,842, manuh mora ase, koikena CSSE para khobor toh janaishe. Bemari cases hesab te India te 9,309,787, cases hoikena ase aro duniyaa pithor te 2^nd ase. Etu oper te 135,715 manuh morikena ase.