Kathmandu: November 28, 2020. Indian Foreign Secretary, Harsh Vardhan Shiringla para Nepal visit korikena 48 gonda pithor te Chinese Defence Minister Wei Fenghe Sunday din Kathmandu pongchibo koishe. Kathmandu te Foreign Ministry laga officials para koishe ke, Chinese Defence Minister Wei Fenghe toh Sunday din Kathmandu te ahibo. Nepal te 1 din visit samai, Wei Fenghe para President Bidhya Bhandari ke matibo aro Prime Minister KP Sharma Oli aro Army Chief General Purna Chandra Thapa logot lok koribo koishe. Indian Foreign Secretary Harsh Vardhan Shringla toh Friday din Kathmandu te thakishe, etu samai tai para koishe, Nepal toh India laga sobse agae sati ase aro development partner ase. Shringla toh Kathmandu te tui(2) din visit kora toh Foreign Secretary Bharat Raj Paudyal para tuita desh pithor te border te melikena thakibo nemite matai laga ase. Kathmandu te Asian Institute of Diplomacy aro International Affairs para hosted kora te kota kora samai, Shringla para koishe, India aro Nepal toh eke geography, civilisational heritage, culture aro customs share kori ase. “ami khan para besas thaka ‘Sabka Saath, Sabka Vikas, Sabka Vishwas’ aro tui khan laga ‘Samriddh Nepal, Sukhi Nepali’ toh besi meli ase, koikena Shringla para janai thishe. Foreign secretary para koishe, India toh Nepal nemite ‘Neighborhood First’ nemite ase. Etu oper te Shringla para aro koishe, common civilisational inheritance nemite Nepal toh 4 pillars neshina – development cooperation; stronger connectivity; expanded infrastructure aro economic projects. Defence Minister Wei Fenghe toh Chinese PLA te former rocket force commander thakishe aro tai toh president Xi Jinping laga osor sati ase koishe.
Add Comment