NIA: India laga nakli poisa te Bangladesh samil ase

November 28, 2020. National Investigation Agency (NIA) para aro tinta(3) extra charge-sheets Enamul Haque kelaaf te thishe. Tai toh West Bengal te thaka manuh ase aro tai toh Fake Indian  Currency Note oper te melikena ase koishe. Haque toh Bangladesh border osor Malda, West Bengal para ase. Tai ke September moina te NIA para thurikena ase. Investigation hesab te Haque para border te tai laga sathi Bangladesh manuh ekta hath para Fake Indian  Currency Note toh smuggle kori thakishe. Enamul Haque aro dosoru thura manuh Mohammed Mahaboob Baig, Syed Imran, Firoj Saikh alias Saddam aro Tajamul Saikh alias Bhoot, tai khan para FICNs Rs 10,20,000 toh loikena Mohammed Mahaboob Baig alias Azhar Baig aro Syed Imran logot thitakishe koikena NIA para koishe. Etu kam kori thaka janai toh, FICN poisa of Rs 2,000 toh 510 number, melaikena Rs 10,20,000 poisa toh March moina te DRI, Visakhapatnam Unit thura beche thakishe. Etu samai, Mohammed Mahaboob Baig aro Syed Imran toh Visakhapatnam Railway Station te tai khan toh Howrah-Hyderabad East Coast Express te thakishe. NIA case toh aro April moina te re-registered korikena First charge-sheet toh NIA para Baig aro Imran logot NIA Special Court, Vijayawada te case file korishe. June moina te Baig aro Imran ke Rs 10,000 fine loishe aro 10 saal jail thishe. Etu oper te NIA para aro Malda aro Tajamul Saikh ke East Champaran, Bihar te 2019 saal te thurishe koishe.