SRINAGAR: Leh administration para night curfew dhalishe aro komti hoilebi char jun manu uporte jamaa kura toh fresh COVID-19 spike huwa nimete bondh kurishe.Official para Saturday te koikena janaishe Ladakh te aro bi ekta covid 19 para murishe aro 44 nutun case olaishe.etu para death toll toh 114 hoishe aro overall caseload toh 8,272 hoishe.
Officials para koikena janaishe ki Etu self imposed lockdown civil society group para kura toh Leh te coronavirus pheli thaka toh rukhabole nimete Saturday din te choi din wala punchise kile koile toh district te komti hoilebi temperature toh 12.9 degree Celsius puncha pichede.etu new COVID-related death toh Leh para olaishe etu para distict te manu mura toh 73 te punchise.dusra 43 manu mura toh kargil district para hoishe.
Officials para koikena janaisheEtu 44 fresh cases te 42 toh leh para thakishe aro 2 toh kargil para thakishe.aro 100 patients khan 89 Leh aro 11 Kargil te last 24 hours te olaishe.tai khan koikena janaishe ki bhal huwa patients laga number toh 7,254 hoishe kuntu toh total cases para 88 percent ase aro active cases toh 904 ase 799 Leh te aro 105 kargil te ase.
Vaishya kuntu toh District Disaster Management Authority (DDMA), laga chairman thaka toh government offices khan ke 50 percent staff strength thakikena kuribole janaishe aro sob gaari laga operat ion khan etu te private aro commercial 50 per cent occupancy seats thakikena chulabole janaishe.
Aro koikena janaishe”etu order toh November 28 para shuru kurishe aro etu toh order napaa chuli thakibo,”aro koikena janaishe etu toh kara para night curfew thakibo 8 pm para 5am tak pura district te aro non essential services khan toh etu samay te chulabole nadibo district magistrate para permission naloa tak.
Aro koikena janaise Manu kun khan home quarantine bithor te ase covid 19 guidelines khan follow kuribole lageh.
Add Comment