Agencies, 03 December: Thursday te Tamil superstar Rajinikanth para Twitter te tai para political party toh aha sal January te suru koribole ase koise aro etu opor te announcement toh December 21 te koribo koise.
Rajinikanth para Rajini Makkal Mandram’ laga district secretaries logode Monday te lok korise aro tai laga political foray opor te kotha korise koise.
Rajinikanth para meeting bechide, tai khan (functionaries) toh tai laga ke fesla te hoilebe tai logode thaka janaishe.
Thoothukudi district secretary A J Stalin para besi phak office bearers toh tai ke (Rajinikanth) 2021 assembly elections te contest koribole nemide mon ase koise. Hoilebe A J Stalin para tai khan toh Rajinikanth para tai laga health care lobole nemide mon ase koise.
October te, Rajinikanth para tai toh 2016 sal United States te kidney transplant kora janaideya thakise aro doctors para tai khan pandemic nemide politics te risk nalobole samjaideya thakise.
Rajinikanth para December 2017 te tai toh politics te kushibole fesla lowa janaideya thakise hoilebe tai toh tai laga party bonabo nemide eku thek steps nalowa thakise. March 2020 te Rajinikanth para tai toh tai laga party te head koribole ase kowa thakise hoilebe chief minister candidate nemide konbah educated lakae kowa thakise. Rajinikanth laga political plans te tai laga politics toh spiritual hobole nemide ase.
Add Comment