Agencies, 28 September: Friday din Korea Open World Tour Super 500 tournament laga quarterfinals de Indian khelari Saina Nehwal toh agae jabo paranai. Tai Japan laga purana world champion Nozomi Okuhara logode 21-15 15-21 20-22 pora hara thakise. Aro tai jun laga khel ek-khonda na-ponji kena kothom howah thakise. Saina’s nemide Japanese khelari logode hara toh third par wala ase. First break de Saina toh 11-10 pora pora thakise.Intercal bechide Saina toh five points loikena seitha 15-12 lowah thakise. Etu bechide suru khel toh joldi loi-lowah thakise. Second game de, Okuhara 4-1 pora lead kori kena suru howah thakise. Saina pora 6-6 bona thakise. Hoilebe Japanese pora 8-8 bonai kena aro 14-9 bonaideya thakise. Etu bechide Okuhara toh joldi khel jeti lowah thakise. Saina pora decider toh 4-1 lowah thakise. Hoilebe Okuhara pora rest time de 10-11 bonai deya thakise. Break bechide, Saina pora five points bonai kena 16-10 bonaideya thakise. Aro etu bechide 20-16 bonaideya thakise. Hoilebe Japanese khelari toh ektum phal aro khela thakise. Tai six points loi kena match jeti lowah thakise. January moina Saina toh Indonesia Masters laga final de ponja thakise aro tai khali ekta tournament jeta toh April moina Commonwealth Games de thakise. Etu time de tai Gold Coast final P V Sindhu logode haraideya thakise. Tai 18th Asian Games debe bronze jeti kena ase.
Add Comment