Agencies, 29 December: Superstar Rajinikanth toh politic te kusibo nemite besi kotha pheli thakise aro tai para be December 31 te tai political party suru koribole opor te janaidebole thakise. Hoilebe Tuesday te tai para health issue nemite politics te kushibole naparibole janaishe. Tai para ektum mondukh hoi kena tai toh politics te kushibole naparibo koise. Tai para be etu fesla janaideya samai bekha toh tai ekala jani koise.
Rajinikanth para enaka dangor janaideya tui din agae te tai toh Hyderabad te ekta hospital para discharge howa thakise. Tai toh tati high blood pressure para dukh pai thaka nemite treatment loi thakise. Rajinikanth toh Sunday din tai laga jaga Chennai residence te nakora agae te tin din nemite treatment loi thakise.
Rajinikanth para Twitter te etu fesla lowa toh tai laga halat thek nahowa nemite aro Isor para hosiyar kora hisab te loise koise. Aro tai toh 2021 Tamil Nadu election nemite plan kora hisaab te politic te hisha nalobo koise.
Statement te Rajinikanth para electoral politics te nakushi kena tai manu khan ke sabo/serve koise. Tai laga etu fesla para tai laga fans aro manu khan ke kushi nahowa bonaidebo koise aro tai para be etu nemite maaf mankishe.
Tui sal agae te, Rajinikanth para Rajini Makkal Mandram bona ase. Tai para tai laga political party toh December 31 te janaidebole thaka ase. Suru kora toh January nemite scheduled kora thakise aro etu toh Tamil Nadu te state elections suru nahowa five moina agae ase.
Add Comment