Agencies, 04 January: Monday te Prime Minister Narendra Modi para India toh duniya te sobse dangor vaccination programme suru koribole nemite ase koise. Etu agae din India para coronavirus disease (Covid-19) kelaaf tuita dawai toh emergency jolabole nemite mana thakise.
PM Modi para National Metrology Conclave via video conferencing te kotha kora samai pura desh (India) toh sob scientists aro technicians ke dhanyabad ase koise.
PM Modi para be National Atomic Timescale, aro Bhartiya Nirdeshak Dravya toh desh ke dedicate korise aro National Environmental Standards Laboratory laga foundation stone thalishe. Event te Union health minister Dr Harsh Vardhan be thakise.
Make In India programme te mention korikena PM Modi para ami khan India laga saman toh pura duniya te bhorda koribole mon nai hoilebe ami khan toh duniya laga sob corner te India saman nemite sob customer laga mon jetibo lakibo koise. PM para be ami khan ‘Made In India’ toh global demand aro acceptance nemite sure koribo lakibo koise.
PM Modi para CSIR scientists toh desh laga besi students logode interact koribo laki aro coronavirus samai experience howa aro notun generation logote etu research field te kaam kora te share koribo laki koise.
Etu para tai khan ke ahibole din te young scientists laga notun generation te daiyari nemite motob koribo koise.
Add Comment