ABVP ke Rahul Gandhi pora kotha deraise

NEW DELHI, SEPTEMBER 29 : Congress President Rahul Gandhi pora Righ Wing Student Body kobi Akhil Bharatiya Vidyarthi Parishad (ABVP) laga Activists kan ke kotha deraise. Etubi Madhya Pradesh, Mandsaur laga Senior Professor ke kotha biya kura aro Anti-National koi kena mata karne. ABVP laga Protestors aro Workers kan, Rashtriya Swayamsevak Sangh (RSS) laga Student Wing kobi District President Pawan Verma pora ahkete luijai kena Protest manaise. Etubi tai kan 4^th Semester BSc Result ulabole deri hua karne. Etu ke Students kan Professor Dinesh Gupta mati kena ki-ki kakus te nahua kotha lekhe kena janaide thakise. Etu karne Rahul Gandhi pora Students kan ke eneka kotha nalelkhebi koi kena janaise. Aro etu Professor ke eneka nahua kotha nakobi koi kena janaide thakise. Rahul Gandhi porabi students kan ke Teachers kan toh asul te Isor nesena sabole lagi. Kele ulta aro nahua kotha aro biya kotha kuride ase koi kena janaide thakise.