AGARTALA: Tripura government laga spokesperson aro Education minister, Ratan Lal Nath para Saturday te khobor dishe state laga 12014 government posts laga recruitment process toh joldi shuru kuribo.
Media person logote kotha kura samay te Nath para koikena janaishe finance department khan akhe para hi sanctioned kurikena recruitment 12014 government post nimete clearance dishe.
Minister para koikena janaishe”government ola pichede Tripura te BJP-IFT coalition government para 6939 government jobs state te dishe.”
Nath para koikena janaishe 9th March 2018 te power te aha pichede BJP-IPFT government jgab oara 6939 citizens khan ke kaam dishe .etu te 2733 khan ke recruit kurishe permanent government employees nimete 2250 contractual basis te aro dusra 1956 secured outsourcing jobs khan thakishe.
2733 permanent employees te 1689 Education Department, 185 Health Department, 248 Revenue Department, 92 Home Department aro, 96 Agriculture Department para ase.
Hoilebi Nath laga statement toh tally kuribole paranai Chief Minister Biplab Kumar Deb para juwa moina te figures diya te.
Etu Tripura CM para December te khobor dishe etia laga government toh etia tak Tripura laga 23001 manu khan ke kaam dishe.
Opposition CPI (M) para government ke bodnam kurishe etu unclear aro contradictory statistics nimete.
CPI(M) leader Pabitra Kar para hudishe ki”kun hosa koi ase education minister Ratan Lal Nath or CM Biplab Kumar Deb?”
Kar para koi kena janaishe” BJP-led state government khan Tripura laga employment generation nimete okobi kuranai.tai khan employment generation laga kotha kuri ase aro etu toh prove hoishe.ministers para statistics dishe tai khan laga whims aro fancies nimete.”
Add Comment