Agencies, 10 January: January 16 para Covid-19 vaccines naola agae te, Prime Minister Narendra Modi toh sob states laga chief ministers logote January 11 direk te kotha koribo. Etu toh PM Modi aro CMs majote first interaction hobole ase. Etu agae te, Drug Controller General of India (DCGI) para tuita dawai nemite restricted, emergency-sue nemite mana thakise. Etu toh India te Oxford Astrazeneca’s vaccine (Covishield) Pune laga Serum Institute para bona aro Bharat Biotech’s Covaxin ase. Desh te etiya tak three round laga dry run toh loikena ase aro vaccination nemite mock drills lowa te konchor thaka areas te phal koribole nemite etiya be ek hapta nesana samai toh ase.
India laga vaccination drive toh tusara desh para ke alak ase koile first stage te Indian manu khan ke free para vaccination debole nemite ase. One crore health care workers aro two crore front line workers bechite, Centre toh 27 crore man uke vaccine koribole plan ase aro etu toh bemari laki kena thaka ektum risk thaka khan nemite ase.
Prime Minister Narendra Modi para India toh Covid-19 kelaaf vaccination te ekta global role ase koise. Duniya laga pharmacy hoikena India para duniya te sob lakiya khan ke kaam laga dawai toh dekena ase aro etiya be dee ase koise. Duniya toh khali Indian vaccines ekala te rokha nahoi hoilebe duniya laga sobse dangor vaccination programme te rokhi ase koise.
India toh vaccination registration Co-WIN nemite application logote ahaise/olaise. Dry run samai te, states ke pre-product application te link koribole koise. Etu toh public use (https://preprod.co-vin.in/home) nemite suru nakorikena ase. Vaccine officials para suru te vaccinate koribole health care workers laga naam registered korise. Application toh download nemite nai kelay koile frontline workers khan Covid-19 vaccine pabole nemite nejor para register koribole nalakiya nemite. Self-registration toh bemari lakikena ektum dangor risk te thaka manu khan nemite he ase.
Health ministry para shabha sabhi janaishe Co-WIN toh Indian app ase koikena aro government be judi tusara desh khan vaccination drive nemite etu app lakise koile manibole ase koise.
50 opor sal manu khan ke track koribole nemite Lok Sabha aro Legislative Assembly elections nemite sobse notun electoral roll jolabo koise.
Beneficiaries ke vaccination laga date aro samai opor te SMS khobor pabole ase koise. Ek dose bechite, tai khan ke second dose laga direk janaidebo koise. Tuita doses bechae te he tai khan ke digital certificate pabo koise.
Vaccination drive suru nakora agae te, PM para sob states laga Covid-19 situation te stock lobole ase koise.
States para Centre ke sobse sob manu nemite free vaccine bonabole koise. Centre para frontline workers laga vaccination nemite toh free hobole ase koikena janabe janaikena ase.
PM-CARES ((Prime Minister’s Citizen Assistance and Relief in Emergency Situations)Fund toh dawai kenibole nemite jolabo pari. Poila government para ₹100 crore toh fund para ola thakise. Etu toh dawai bonabole nemite thakise.
Sob states te vaccination nemite training toh lowa be loikena ase. Doctors, staff nurses, pharmacists toh manu khan ke injections debole nemite legally authorised ase.
vaccine officers 1 toh thakibole ase aro tai para beneficiaries laga registration status te sabo.
Vaccine officers 2 para documents te verify koribo. Vaccine officers 3 aro 4 para crowd te sabo.
Sob vaccine booths toh three large rooms: waiting room, vaccinating room, observation room nemite daiyar koribo.
Add Comment