Agencies, 10 January: Nagaland te 03 positive COVID-19 cases toh Sunday, 10th January 2021 te paise. Etu para state te sob melikena cases te gindi kora 11978 hoise. Aji (Sunday) te tinta cases powa te, Dimapur, Kohima aro Mokokchong para ekta-ekta ase. Etu khobor toh Health Minister S Pangnyu Phom para tweet te janaideya laga ase.
Minister para State te be 25 patients toh COVID-19 para recover howa janaishe. 25 patients recover howa te, 14 toh Kohima para, 07 toh Dimapur para aro 04 toh Mokokchung para ase koise. Etu para State te sob melikena recover toh 11639 ponjishe koise. State te active cases toh 112 te ase koise.
Add Comment