Afghan Capital te bomb hamla para tin(3) jun morishe

Kabul: Sunday din gari te bomb hamla kora te Afghan laga public protection force journalist- spokesman aro tai logot tui(2) jun morishe, koikena interior ministry para janaishe. Zia Wadan mora toh tai Afghanistan te alag-alag media networks te kam kori thakishe aro etu Kabul te sobse notun hamla kora te Afghanistan desh ke helai thishe. Wadan aro tai laga sati khan eastern part capital te pujur rush-hour traffic te mora ase koikena ministry spokesman Tariq Arian para reporters khan ke koishe. “gari ekta Zia Wadan thaka te IED para hamla korishe, Wadan aro tai laga sati tui jun manuh be morishe”. Arian para koishe aro dosura ek jun be jokom paishe. Kaun group para etu hamla kora ten am loikena nai. Wadan toh National Public Protection Force (NPPF) laga spokesman aro interior ministry pithor te security service te Afghanistan desh pura te international organizations laga guards be thaka ase. Jaa moina para etu neshin hamla kora toh besi othiase aro notun khobor te Kabul jag ate manuh ke target kora nemite besi phui te ase. High-profile te journalists, politicians aro rights activists khan logot besi target kori ase, etu oper te government aro Taliban be peace talks thaka samai howa ase. November moina para loikena, tangor manuh para loikena 5 journalists khan ke hamla korikena morishe.