Kohima, 11 January: Monday te Home Commissioner Nagaland, Abhijit Sinha IAS laga chairmanship pithor te coordination cum-de-briefing meeting toh tai laga office chamber te loise aro Dzükou forest fire metija laga pura operation te shaise (reviewed).
Kohima District, Nagaland pithor Dzukou Valley te first Forest jui hatsa laga khobor toh NSDMA ke December 29th, 2020 te powa thakise. Aji, 14 din te jui toh valley te pura-puri metishe aro olob din nemite notun jui laga nai.
Dzükou base camp para SDO Kohima, Daniel Angami koise, ground operation team laga de-induction to haji base camp te lowa thakise. India Air Force (IAF) para Dzükou base camp te thaka NDRF aro SDRF laga fire fighting saman khan toh Jakhama Military Helipad te namaishe.
Jui te larai nemite saman khan te, NDRF tents, fire fighting suits, batteries aro State Forces equipments te two generators, NSDMA lighting tower aro batteries ase. Saman khan toh etu morning ek par para IAF Helicopter para othaise koise.
Meeting te Dzükou forest fire laga pura operation te shaa thakise aro sob concerned agencies ke kushi powa janaishe kelay koile jui metabo nemite motob kora nemite. Meeting te be sob IAF Helicopters joli thaka toh rokhibo nemite instructions debo karni request koribole fesla korise kelay koile jaija olob din para joi toh ground aro air teams para khobor nahowa nemite.
Meeting te bese camp te thaka five NDRF team laga de-induction toh January 12th 2021 para lobole fesla korise. Aro meeting te be DEF Kohima, Forest department aro SAYO Volunteers toho lob din base camp te shaikena thakibole nemite fesla korise.
Meeting te Commandant NDRF, Rajesh Thakur; Deputy Commissioner Kohima Mohammed Ali Shihab A; SP Kohima, Manoj Kumar; DFO Kohima, Raj Kumar aro ADC Kohima, Lithrongla Tongpi Rutsa thakise.
Add Comment