Agencies, 29 September: Saturday de Indian Super League laga fifth edition suru hoise. Etu league de Kerala Blasters pora ATK (Atletico de Kolkata) logode 2-0 pora jeti kena campaign suru hoise.Agae season time de ATK khan ketya be suru match na-hari kena thaga ase. Hoilebe second half de Poplatnik aro Stojanovic pora goal thala karni ektum ashrut hoise. Kerala Blasters khan etya tinta points pora tob de ase. ISL de total 10 teams khelibole ase. Etu team khan toh, Mumbai City FC, FC Pune City, Delhi Dynamos, Bengaluru FC, Northeast United FC, Jamshedpur FC, Kerala Blasters, Chennaiyin FC, FC Goa, aro ATK ase. Etu edition debe three-mid season breaks thakibole ase. Aro India khan inyernational matches toh October 8-16 aro November 12-20 majode thakibole ase. Final break toh December 17 pora suru hobole ase. Etu edition pora Indian national team toh AFC Asian Cup tournament nemide daiyar koribole ase. Aro etu toh UAE de Januart 5 pora suru hobole ase. Fifth season laga pura schedule toh janaidebole ase aro match laga dates janaideya toh he khelibole ase 2018 de. 2019 de khelibole laga dates toh organisers pora joldi janaidebole ase.
November 2, 2024
World's First and Only Nagamese Newspaper
Add Comment