Peren, 05 April: Leader of Opposition, T.R Zeliang toh Monday, April 5th, 2021 te Peren District pithor Lamhainamdi Bosti te cemetery te janise aro March 22nd, 2021 te tinta manu moraideya manu ke samaan korise.
T.R Zeliang para Lamhainamdi Bosti te tinta manu ke morom nakorikena morai deya toh Lamhainamdi bosti ekala te challenge nahoi hoilebe pura Naga aro Peren District pithor laga District Administration aro Security Personnel ke sitha challenge ase koise. Tai para manu khan bosti laga history te sabole, tai khan laga rist te gara para support koribole aro etu nemite khara (stand) hobole koise.
Tai para thek culprit ke thuribole sob laga zamidari ase koikena, tai para political affiliations aro deniminations te nashai kena sob agae ahibole aro eki logote melikena kaam koribole aro Administration aro Police Personnel logote thek culprits ke joldi thuribole ensure koribole koise.
Zeliang para be be culprits ke thuribole aro Naga Customary Law hisab te gara saja debole mondangor howa koise. Tai para be eki bekha aro mondukh howa toh tinta mora laga families logote janaishe aro prathaka korise tinta chari jaa laga aatma ke eternal peace nemite.
Leader of Opposition ke Peren District
Add Comment