Manipur chamela nimete armed forces khan sai ase

IMPHAL, September 30, 2018: Saturday te Manipur Chief Minister N Biren Singh  koishe emergency situation khan time te kubi manu bahar pora ahikena hamlaa kura nohoile toh  paani jamaa hoikena dikdaar paa time te   armed forces khan  etu jaka manu khan ke bachabole ahe.CM pora arobi Paramilitary forces khan ke khushi janadishe etu jaaka te flood huwa time te modot kuri diya nimete.”Etu military manu khan pora insurgency aro calamities time te hudai modot kuri thakeh .Bishi manu khan flood time te phasikena thaka armed forces khan pora bachaise “Singh pora surgical strike’ laga  second anniversary mana laga programme luwa time te koishe .CM koishe “Sal sal te etu jaka pora army officers khan bishi olai ase .”Ami Khan pora army khan ke Lieutenant Generals dikena ase.”Sob Manipuri manu khan tai khan ke bishi khushi ase.Singh aro koishe ki India desh khan hudai kotha khan koi thakeh force nuchula akhe te.”desh laga patience test kurishe koile toh  tai khan laga power dikhabole olabo duniya khan ke “September 18, 2016 te URI hamlaa huwa laga kotha kuwa time te tai koishe . Assam Rifles head Major General KP Singh pora etu surgical strikes toh kinika aro kile hoishe etu laga kotha khan yaad kurishe .Tai pora aro Manipuri sepai khan laga kaam te khushi janaidishe desh nimete kura toh .”Pakistan desh khan hudai kosish kuri hoilebi ami khan tai khan ke etu kuribole nadibo.India khan surgical strikes kurishe September 29 2016 te Pakistan-occupied Kashmir laga Line of Control te bishi bar terror hamlaa kura nimete .Etu hamlaa huwa toh19 unarmed Indian soldiers khan ke Uri te hamlaa kura 11 din huwa pichede kura ase Line of Control osor te.